Menaxheri i Manchester United, Sir Alex Ferguson, ka lavdëruar aftësitë golashënuese të Cristiano Ronaldos, duke e quajtur anësorin portugez “fenomenal”. “Cristiano ka luajtur si sulmues i qendrës disa herë dhe ka shënuar katër gola në dy ndeshje. Kjo është një shkallë e shkëlqyeshme e shënimit, por të shënosh këto gola si lojtar i krahut është fenomenale. Është një e arritur madhështore”, ka thënë Ferguson. Ronaldo ka nevojë për vetëm një gol për të arritur 30 në këtë sezon në të gjitha garat.