Rebelët taliban kanë zhvilluar një luftë të ashpër me ushtarët australian, prej të cilëve njëri ka humbur jetën. Katër të tjerë ishin lënduar rëndë. Komandanti i trupave australiane bëri të dituar se ata ishin sulmuar nga një grup rebelësh në vendin Tarin Kowt me zjarr automatikësh.

Ministri australian Kevin Rudd shpjegoi , se Australia shënon edhe një ushtar i cili ka humbur jetën. Lufta kundër Talibanit është duke u bërë “më e rëndë, më e rrezikshme  dhe më e përgjakshme” tha Rudd të hënën në Canberra. Australi merr pjesë me 1000 ushtarë në Avganistan. Deri më tani kanë humbur jetën gjatë përleshjeve pesë ushtarë të tyre.